دالکه
تقدیم به تمام مادران سرزمینم
***
همه عمرم همه جونم تونی تو
هزار گل ده گلسونم تونی تو
ده گرمای وجودت جو گرتم
چراغ دین وایمونم تونی تو
***
بیا عشقم بیا مه سیت هلاکم
ده عشقت دالکه مه سینه چاکم
چه شویا تا سحر سی مه نهوفتی
سی او لالایی یات هنی هلاکم
***
ده ای دنیا همه فکرم تونی تو
چراغ، سوِزِِِ، زمسونم تونی تو
بیا عمرم بیا و اقلب پاکت
هنی هم شور آوازم تونی تو
***
ده اسمت دالکه هاجت گرتم
ودنگت دالکه راحت گرتم
مه چی مرغی که سرگردون و ویلون
ویادت تا سحر قامت گرتم
***
تونی شورم تونی سازم بهارم
اگر جو دم بهای، مه حرفی نارم
تو سربیت تمام واژه یایی
تو ماهور خدایی ای نازارم
***
دوم آذر 1392
سرزمین مادری احسان عالیخانی چگنی
تونی ,مه ,دالکه ,***ده ,جو ,بیا ,تا سحر ,گرت چی ,چی مرغی ,راحت گرت ,دالکه راحت
درباره این سایت